Esperientzia honek 1813ko ekainaren 21era eramango zaitu, eta data berezi hartan gasteiztarrek sentitu zutena berriz biziko duzu. Gasteizko guduaren monumentua bisitatzeaz gain, haren protagonistak, besteak beste, Wellington eta Alaba jeneral garaileak edo Jose Bonaparte errege garaitua, bizi izan ziren tokiak eta ostatuak ezagutuko ditugu. Azkenik, Arabako Arma Museoan, guduko jatorrizko piezak eta tropen mugimenduen maketa batzuk aurkituko ditugu.