Ibilbide honek Salburuako hezegunea erakutsiko dizu. Interes ornitologiko handiko hainbat urmaelez osatuta dago, eta Euskal Herriko hezegune kontinental baliotsuenetakotzat hartzen da. Salburuako Parkea Vitoria-Gasteiz inguratzen duen eraztun berdearen zati da. Gure bisita gidatuaren bidez, Ataria Interpretazio Zentroa eta herritarrentzat duen hezkuntza-funtzioa ezagutuko dituzu. Horrez gain, erdi-askatasunean bizi diren hegaztiak eta oreinak behatzeko tokiak ditu basoak, eta lehen begiratuan ezkutuan geratzen diren beste hainbat sekretu ere aurkituko dituzu.